FOTOANA SAROTRA
Misy fotoana mahavaky loha
tsy eritreretina mantsy no tranga
miezaka ianao ny hanao soa
zavatra ratsy no manangasanga
Hafa mihintsy ny todika tiana
izay visavisa, izay faniriana
Hafa no seho ajoron'ny Tompo
Hafa tsy ampoizina toa ho toloko
Hiezaka ihany aho, fantatro mantsy
Fa izy mandahatra ny lalan-ko-avy
Ireto ankohonako no ataoko ahoana ?
tsy voatery hitovy ny fatra-pinoana..
Ray ô! ankiniko mafy aminao
ny ho avy tsy fantatro ianao mahalala
satria mantsy tsy kilalao
fa henjana ity! mahalasa adala...
