IANAREO NO SAKAIZAKO..

Question N*1-Ahoana ny hevitr’i Zoky Andry mikasika ny antoko GFFM ?

2012-01-25T18:28:00.001+03:00

Question N*1-Ahoana ny hevitr'i Zoky Andry mikasika ny antoko GFFM ?

Eny ary, satria moa ianareo nangataka hovaliana dia izao no hevitro samirery raha ilaina :

Fanotaniana N*2-Ny politika ? Dia « fitantanana sy fandrindràna » no heviny amiko.

Raha amin'izao sata repoblikana misy an'i Madagasikara izao dia tsy afaka manao politika fitondràna firenena mihintsy aloha ny fiangonana, koa tsara tokoa ny fijoroan'ny antoko politika GFFM io, mba ahafahan'ny kristiana apokalypsy sy ireo tsy apokalypsy manompo ny firenena eo amin'ny lafiny politika.

Samy mahatsiaro angamba ianareo sakaiza sasany fa nisy fotoana (jolay –aogositra 2011) izay nikasantsika hoe « andao hanao politika na hanangana antoko politika » (Nitondra ny tenintsika tany amin'i SGN isika tamin'izay), ary « TSY METY ALOHA » ny valiny. Kanefa matoa nijoro ny GFFM ankehitriny dia midika izany fa efa fotoana mety izany izao , ary inona moa no nantenaintsika ? tsy efa misy ve izy io ?

Fanotaniana N*3-Afaka miditra amin'ny raharaha politika ve ny Kristiana ? Eny no valiny, ivereno vakiana ny tantaran'i Josefa (ilay praiministra nanavotra an'i Ejipta), sady efa nianarantsika tany amin'ny SST izany (hoan'ireo izay tao Itaosy)

Question N*4-Inona no andrasana sy hita ao amin'ny fikambanana ara-politika?

Aorian'ny fiangonana, dia Sehatra faharoa, hiofanana sy hianarana manompo ny hafa ny antoko politika, fa tsy sanatria sehatra fanehoana hafetsena sy itadiavana tombotsoa manokana tsy akory…

Araka izany dia tsimaintsy ahitàna fanabeazana ho olom-pirenena vanona ao, ka raha tsy misy izany dia tsimaintsy atao vaindohan-draharaha ny fametrahana izanyy fandrao tsy ho fantatry ny mpikambana akory izay tokony ataony sy izay miandry azy. (ohatra hoe : mila mahafantatra an'i Madagasikara tsara isika raha te hanompo azy, ny tantarany, ny fombany, ny jeografia, ny zavatra mitranga ofisialy sy tsy ofisialy, ireo fikambanana politika misy sy ireo mampiavaka azy, ny filana sy ny olan'ny mponina, ny toe-karena, ny tontolo iainana… tsimaintsy ianarana sy ifanentanana ireo fotokevitra ijoroan'ny antoko , fa tsy tahaka ny fikambanana tsotra hafa tsy akory ny antoko politika. (hoe mifankahitahita sy mifakatia ary mifanindrinindry ao fotsiny)

Tsimaintsy ahitana fianarana mitarika olona sy fianarana maneho hevitra sy mandresy lahatra ihany koa ao satria ny tanjona amin'ny fikambanana politika dia ny ahatonga ny olona maro an'isa hitovy hevitra sy idealy aminao…. (ILAINA BE IREO RAHA TE HANANA SAMPANA TANORA ILAY ANTOKO)

Ny tokony ho tena faly amin'izao fijoroana fikambanana politika izao dia ny skoto Zoky sy ny sampana mena skoto, satria ireo dia tena nobeazina sy nomaninay ho tia tanindrazana sy handray andraikitra hatrany amboalohany,

Mino aho fa azo ifanampiana avokoa izany rehetra izany rehefa ao amin'ny fikambanana politika isika, sady tsy manana hafa tsy volana vitsy dia vitsy isika sisa hiomanana amin'ny zavatra rehetra ka mila planina maty paika ny zavatra rehetra.

Question N*5 Hanao GFFM ary ve i Zoky Andry ?

Eny tokoa no valiny, ! sady efa mba mpitolona politika sy « sendikalista» ihany aho mialohan'ny naha apokalypsy ahy ! saingy nohon'ny andraikitro eto anivon'ny Apokalypsy no nijanonako tsy nanaovako izany nandritra izay fotoana izay. Tsy voatery ho mpitarika hatrany anefa an ! samy manao ny tandrifiny.

Question N*6 ahoana ny hevitr'i Zoky mikasika ny 2013 ?

Minoa ny mpaminany dia ho ambinina ianao !

Tahaka ny nanampiana an'i Rny Ptr Mailhol amin'ny fitantanana ny fikambanana FAM dia mbola adidy masina miandry antsika ihany koa ny fanampiana azy amin'ny fitantanana an'ity firenena Madagasikara ity. Ary ireny fanofanana isan-karazany ( toy ny leadership) ireny dia efa fanomanana mialoha ny 2013 avokoa !

Koa manentana antsika tanora rehetra ! ndao hanompo ny mpiara-belona e ! – Ialao lavitra ny hakanosana , ny fifanakianana sy ny fizahosahoana na ny fiavonavonana ! Fa tsy misy olona na ekipa mahavita tena irery izany na tapo-pahaizana tanteraka aza izy. Midadasika be anie i Madagasikara e !

Koa raha mahatsapa ianao fa mendrika sy masina ilay fotokevitra hoe « fiadiana sy famongorana ny kolikoly sy ny fahantrana eto Madagasikara » dia mpinamana izany isika e !

dia mba omeo 7.500 fmg any aloha hanaovako droit d'entrée fa mbola krizy ny andro!! mdr !

Hoan'Andriamanitra sy ny tanindrazana ! – Tsy hafa ito fa i Zoky Andry ihany !

Ny Programako 2012

2012-01-06T18:39:00.001+03:00

Veloma ianao ry 2011

Nigadona ity ny taona 2012, faly fa mbola velon'aina soamantsara (izahay mianakavy), satria henjana iny 2011 lasa iny ! Iny no taona sarotra indridra tamiko, sy taminay mivady ! tsy hainay izay an'ny hafa fa ny anay aloha dia tena mafy taminay iny taona iny, soa fa lasa !

Nandalo olana hatrany izahay , na teo amin'ny lafiny asa fivelomana izany, na teo amin'ny resaka ara-bola, ny fifandraisana tamin'ny namana (sy ny tsy namana), tena nandalo fitsapana mamaivay izahay, kanefa dia isaorana ny Tompo fa tody ihany !

Misaotra an'Andriamanitra , fa taorian'ny fangataham-bavaka sy ny fitondrana ambavaka, dia efa miasa indray i Dina izao, fa izaho indray dia mbola miferinaina amin'ny asako hatrany aloha hatramin'izao, atao ahoana moa, izay no sitrany aloha!

Na izany aza dia mbola misy ireo olana tamin'ny 2011 no mitarazoka hatramin'izao , izay tsy mila tanisaina intsony…, tamin'ny faran'ny taona iny aza dia mbola very vola 150 euro aho ! tsy hitako izay nahaverezany fa dia tsy hita fotsiny tsotra izao !,

Iny taona 2011 iny kosa anefa dia nazahoanay fitahiana mivaingana tokoa , satria nahazoanay ny zanakay fahatelo (sady farany … mdr !) Ary ny nataoko ho fankasitrahana an'i Jehovah ny nikarakaràna ny andiany voalohany tamin'ny JJA,

Ny JJA ihany koa dia nahafahako nifanerasera tamin'ireo mpiandraikitra tanora maro manerana ny faritra Antananarivo, (tanora izay marihiko fa tena manana ny maha izy azy sy mahavita azy avokoa, tsy ny lahy ihany fa ireo vehivavy ihany koa) Nitombo isa ny faribolan'ny namanay (-ko), nanomboka nifankalala sy nifandray am-po ireo tanora na samihafa aza ny sampana sy vondrona ary fiangonana nihavianay, (izay moa no tena fifaliako sy katsahiko hatramizay!)

Ankoatra ny JJA , dia nahafaly ahy ny nandray anjara feno tamin'ny hetsika « formation leadership », izay nokarakarain'ny Sampana Tanora Apokalypsy, tena nahafahana nampita traikefa sy nanoro hevitra ireo zandry marobe ny fanofanana leadership iny, sady mba mampirehareha kely (fièr)ahy ihany koa ny niarahana niasa tamin'i SGN, Tonton Chapard, enga anie ka mbola hitohy.

Ny zavatra faharoa lehibe tamiko tamin'iny 2011 iny koa , dia ny fa nahafahako namoaka ny boky asasoratro « Mahaiza mitarika Tanora », na Leadership andiany voalohany.

Inona no hataoko amin'ity taona 2012 ity ?

1. Raha sitraky ny Tompo dia faniriako ny hanangana sehatra (cercle) maromaro aho ahafahan'ireo tanora na olona mitovy fironana hifanerasera sy hifanampy :

o Sehatra iray hoan'ireo mpiaro sy mpankafy ny tanindrazana sy ny tontolo iainana (na tanora na olon-dehibe, mety ahitana fifampitaizana ho olom-pirenena vanona ihany koa.)

o Sehatra iray hoan'ireo mpikirakira informatique sy internet « cercle des informaticiens »

2. Tiako hampiana sy velarina tsara ihany koa ny club isika tanora, dia hanao seminera kely (club) isan-kerinandro mikasika ny fahaizana miteny sy mifandray aman'olona (Mahaiza miteny !) na zavatra mifandraika amin'ny hoe famahana ny olana eo anivon'ny fianakaviana sns

3. Hanao seminera anakiray amin'ny volana martsa (isika tanora)

4. Hitsidika tanora any amin'ny faritra na region hafa manodidina an'Antananarivo.

5. Hikarakara ny AG na ny fivoriam-be hoan'ny rantsana Oliva Rezionaly Antananarivo.(paska)

6. Ny tetikasa ngeza indrindra dia ilay VCD Documentaire mikasika ny … (shut !! surprise !)

7. Ny lasy fanofanana Zoky 2012 dia mbola tsy haiko na ahazo congé aho na tsia (dommage !)

8. Ny fanofanana leadership hoan'ny diakona ihany koa mbola miandry ahy ….

Oups ! mbola bobaka be izany nofinofiko izany ! izany ve ho vita avokoa ? kanefa aho hoe « mikasa hanome lanja sy fotoana bebe kokoa amin'ny fiarahana amin'izy efatra mianaka » ? ampio aho ry Tompo Jesosy !

Tsy ho vitako irery ireo fa tsimaintsy mikaroka mpiara-miasa sy namana vaovao indray hanampy ireo efa misy hatramin'izay…. , aiza anefa no ahita ?

Ny faniriako manokana amin'ity taona 2012 ity dia ny hanomezan'Andriamanitra ahy « Asa sy orinasa » tsaratsara kokoa noho izao ! mba ho libre kokoa aho amin'ny fanaovana ny asan'ny Tompo, sy halalaka kokoa amin'ny fiarahana amin'ny ankohonako. Amen !

NY TSIAMBARATELON'NY JJA 2011

2011-11-23T15:39:00.002+03:00

Nokendrenay ho hetsiky ny tanora lehibe sy goavana voalohany indrindra teto anivon’ny FAM ity hetsika ity, ary tratra ny tanjona satria nahatratra maherin’ny 700 isa ireo tanora tonga namonjy ny JJA 2011,
Taorian’ny Mider’Azy vita Bacc 2009 sy ny 2011, dia noketrehina ny JJA ary nokendrena ho ao anatin’ny fankalazana ny tsigeritaona voalohan’ny rantsana Oliva eto anivon’ny Rezionaly Antananarivo no hanatanterahana izany. Hetsika lehibe no hatao, ary tianay hifampizarana aminareo mpitarika tanora rehetra ny traikefa fanomanana hetsika toa izany.
à suivre...

Journée de la Jeunesse Apocalypse (JJA 2011)

2011-10-13T18:22:00.000+03:00

Journée de la Jeunesse Apocalypse (JJA 2011)

Eo andalana ny fikarakarana ny hetsika lehibe anakiray izahay izao, miaraka amin’ireo mpitarika tanora isan-karazany (Rantsana Oliva, skoto , mpandalina, club isika tanora sns) efa elaela ihany izay no tsy nikarakarako mivantana ny karazana hetsika lehibe tahak’ity ka somary mitebiteby ihany aho,

Andron’ny Tanora Apokalypsy andiany voalohany no ketrehina na Journée de la Jeunesse Apocalypse (J.J.A) 2011. eny amin’ny Park Analamana @ 20 Nov 2011

Andiany voalohany no atao, ka tsy mieritreritra zavatra mavesatra be aho, fa fitsangatsanganana no atao, ary fenoina lalao sy fanentanana isan-karazany kosa. Ny tanjona tokana dia ny hiarahan’ny tanora rehetra mifanotrona sy mifankatia amin’io fotoana io sy azahoan’izireo fafinaretana amin’izay programa hatao rehetra, raha izay no tanteraka dia efa afa-po aho !

Fantatro fa lehibe ilay hetsika raha oharina amin’ireo natao hatrizay, sady miainga avy amin’ny tsy misy (tsy misy vola entina miasa) kanefa mino aho fa hahomby tokoa io hetsika io, satria fantatro tsara ny toetran’ireo mpiandraikitra tanora namana, sy ireo tanora rehetra eto anivon’ny fikambanana Apokalypsy

Tiako raha mba ho tonga manatrika io hetsika io avokoa ireo olona nasaina, indrindra fa ny Ptr Mailhol mivady, sady anisan’ireo olon-dehibe nasaina izy, ahitan’izireo ny fahaizan’ny tanorany (satria zanany ara-panahy avokoa ireo) miray hina sy miara-mientana. Tiako ho hitany sy tsapany ihany koa fa tsy miasa irery izy sy ireo mpiara-miasa aminy, fa misy antenaina tokoa ny fiangonana manana ireo tanora marobe ireo.

Sady tsy fotoana fipetrapetrahana intsony izao fa efa akaiky ny fotoana !

Mahatsiaro an’i Neny foana aho tato hoato,

2011-10-13T18:20:00.000+03:00

Mahatsiaro an’i Neny foana aho tato hoato,
Na dia mandia fahasahiranana aza izahay izao, dia dia faly satria isaky ny mandinika ny fiainako dia mahatsapa fa notahian’Andriamanitra aho, satria niainga avy tamin’ny tsy misy izahay no tonga amin’izao toerana sy sehatra izao ! iza moa no nanampo fa ho toa izao ihany aho ? misaotra am-po an’i dada sy Neny aho, indrindra fa i Neny (Mamie).
Na i dina aza mba miteny matetika hoe « raha mbola teo izao i Mamie, ka mahita an’izao fiainantsika izao ! »

Tsaroako foana i Neny izay fahiny, rehefa mandamina korotana tao amin’ny efitra ambony dia mitomany rehefa mahita ireo « cahier » fianarako be dia be, nambarany fa hoe « mba nahay fianarana ihany ny zanako kanefa dia mivarotra sambôsa amoron-dalana ity no ataony »… tsy hita moa izay tenenina tamin’izany fa dia mangina fotsiny

Raha mba hitany tokoa mantsy ankehitriny fa ilay zanany nampitomany azy hoe toa tavela mivarotra hani-masaka teo amoron-dalana anie ka tonga raim-pianakaviana manana ny maha izy azy ankehitriny. Fantatro fa nohenoin’Andriamanitra ny fitarainan’i Neny hatrizay, ka na efa lasana any am-pasana aza izy dia mamaly vavaka azy Andriamanitra. Misaotra ry Neny,

Manenina ihany aho ilay tsy mba nitomany mihintsy tamin’ny fotoana nandaozany anay, satria aty aoriana vao tena tsy zaka ny alahelo rehefa misy tsiaro mitamberina izay ! Tena mahavaky fo mihintsy fa toy ireny vao omaly ireny, indraindray aza dia tsy tana ny sento sy ranomaso. Mafy tamiko loatra iny fandaozany anay iny, ka na ny datinandro izay nahafatesany aza tsy mba tena tsaroako marina hatramin’izao !

Natao mariazy i Elysé sy Isaia , vavimatoan'i Ptr Mailhol

2011-10-03T19:10:00.002+03:00

Natao mariazy i Elysé sy Isaia (vavimatoan'i Pastera Mailhol)
fifaliana lehibe ho anay mivady ny nanatri-maso ny fanamasinana ny fanambadian'i Elysé sy Isaia, fa tahaka ny raiamandreny niteraka dia tena fahafinaretana mihintsy ny nahita ny tinaiza tonga lehibe ! niditra dingana ambony kokoa toa izao, tsy inona fa ny fanambadiana!

ety andanin'izay ihany koa dia betsaka souvenir mahatsikaiky sy nahafinaritra tamin'iny mariazy iny!

Nahafinaritra ny fety! ny sakafo koa , aoka fotsiny ! Merci , dia Mahareta hatramin'ny farany ry iziroa a!
dia ho arahin'ireo tanora sy zatovo namanareo ihany koa anie ianareo !
>Zoky Andry

Ilay ariary folon'i Tsiky !

2011-09-28T18:53:00.001+03:00

Mba nahatohina kely ahy ity zavatra nitranga androany maraina ity,

Mbola somebiseby ny tao an-trano, sady androany moa no andro hiverenan'i Zokivavy hody any Comores indray, ka nifanaretsaka ny mpiomana hiasa sy ny mpiomana hianatra, ny mpanao sakafo ary ny pampirin'entana...

Eo ampiomanana sy ampanaovana kiraro aho no nanantona ahy tsimoramora i Kanto, no sady niteny hoe

- Izaho hono ry dàdà mba hividianana "dictionnaire" amin'izay hozy Maitresse

- Hay! ao fa hividianako ianao fa mbola tsy manambola aloha dadà izao an!" hoy aho sady nanambitamby azy

teo imason'i Tsiky izahay no niresaka ka nitsatsaingoka ity zandriny nanao hoe

-Zah manambola !, omeko an'i dàdà fa tsy haiko na ho ampy na tsy ampy! (hoe hividianana ilay dictionnaire-njokiny hono izany)

somary gaga aho no sady niamaly hoe « ento aty ary fa ilaiko e »!

Dia lasa i Tsiky kely niala teo ary niverina izy afaka fotoana fohy, ity le izy! sady natolony ahy ilay... "Ariary folo" …. ontsa kely ery ny foko! sady noraisiko ilay ariary folo,

-Merci akia ry zanako fa misy hanampiako ny vola hividianana ny dictionnaire n'i Kanto ity a! hoy aho

Dia napetrako teo ambony frigo avy eo ilay ariary folo....

Rehefa tena hanainga hiasa indray aho, dia hadinoko teo ilay vola , kinanjo niantso ahy indray izy

-eh ! hadinon'i dada le "dinampolo"! hoy indray i Tsiky sady nikoropaka be izy niantso ahy!

Dia niverina aho naka ilay "dinampolo" fa sao dia handratra ny fon-janako raha sanatria tsy miraharaha azy sy ny vola fanampiana natolony...

Ny lesona azoko?

Tsy mety raha tsapan'ny ankizy ny fahasahiranana ara-bola! aleo miteny hoe " miandry kely aloha", toy izay hiteny matetika hoe "tsy manambola, tsy manambola"

Diariko > Zoky Andry

TELECHARGER LE LIVRE LEADERSHIP “MAHAIZA MITARIKA” de Zoky Andry EN FORMAT PDF

2011-09-14T18:38:00.008+03:00

TELECHARGER LE LIVRE LEADERSHIP "MAHAIZA MITARIKA" de Zoky Andry EN FORMAT PDF

Telo taona taty aoriana dia vitako ihany ny nandrafitra sy nanoratra ny boky « mahaiza mitarika », ouf ! Alleloia ! ny mampiavaka ity asa soratro ity dia izy izay kasaiko hamidy eny amin'ny fivarotam-boky mihintsy fa tsy hozaraina maimaim-poana tahaka ny namany teo aloha. Araka izay lohateniny izay dia torohevitra sy toromarika atolotra anao mpitarika na mpitaiza tanora rehetra no vontoatin'ity boky ity.

Hatreto aloha, dia azonao atao ny mahazo sombitsombiny sy ampahany amin'ny fichier numerique n'io boky io,

Ny fanafaranao ny boky iray manontolo dia hampahery ny mpanoratra tokoa e ! koa azonao atao ny manafatra izany dieny izao amin'ny adiresy mailaka manaraka ity : razokilaz@yahoo.fr Toy izany ihany koa raha mila fiaraha-miasa sns ianao.

Gideona ! fandresena fandresena fandresena !

NIATRIKA FIOFANANA MIKASIKA NY FAHAIZA-MITARIKA NA “LEADERSHIP” NY TANORA APOKALYPSY

2011-09-14T18:37:00.001+03:00

Fotoana tsy voakosoka !

Ho tadidy tsy azo kosehina rahatrizay eto anivon'ny Fikambanana Apokalypsy ny zavatra nitranga tao amin'ny EPP 67ha Atsimo tamini'ity volana septambra 2011 ity. Voalohany indrindra teto anivon'ny fiangonana Apokalypsy mantsy ny fisian'ny fanomezana fiofanana sy fianarana mikasika ny fahaiza-mitarika na leadership. Ny tanora no nahazo fiofanana voalohany mikasika izany « fahaiza-mitarika » izany, ka ankasitrahana feno ry zareo mpikarakara dia ny Biraon'ny Tanora Rezionaly Antananarivo.

Tsy ho toy ny taloha intsony

Tsy ho toy ny taloha intsony ny hoavy hoy ny Vice Pdt Rezionaly Antananarivo, Loh RAVONJY, raha nandray fitenenana nanokatra ny fiofanana izy, satria ny raiamandrenin'ny zanak'Israely tany anefitra hoy izy dia tsy nanana planina fa nanaraka ampilaminana ny andry afo sy andry rahona hatrany fotsiny, Fa rehefa hiditra ny tany Kanana kosa anefa dia tsimaintsy nisy ny planina sy teknika marosamihafa nampiharina ka mifanojo indrindra amin'izao fianarana ny teknika "leadership" izao indrindra izany rehetra izany. Marina tokoa fa manaraka hatrany ny voasoratra ny zavatra iainan'ny fiangonan'Andriamanitra. Ny Loh RATSIMIZAO filoha Nasionalin'ny Tanora Apokalypsy kosa dia nisaotra sahady ny mpikarakara ny hetsika ary namporisika ny tanora mba ho mendrika hatrany amin'ny maha "hoavin'ny fikambanana" azy. Ny Filoha WILLIAM Tonia Nasionaly skoto TOM indray moa dia namaky tononkalo mihintsy…

Tsy omby ny efitrano , tsy ampy ny seza!

Tonga

maro ireo mpiofana, satria maherin'ny zato, ary mbola nitombo ny isan'izireo tamin'ny andro faharoa ka dia nambara mihintsy hoe tsy misy olona hafa afaka miditra intsony amin'ny andro fahatelo sady farany.

Ho ahy manokana dia roa andro ny anjara fotoana nanofanako ary nety tamiko tokoa izay (Ny ahy no be indrindra, satria telo andro ilay fiofanana) Afaka nampianatra lesona vitsivitsy nifampitohy mihintsy aho, lesona izay nalaiko tao amin'ny boky nosoratako ihany. Ampolony maro kosa ireo olona nangataka hividy ny boky ka dia nomena fahafaham-po izireo na dia mbola tsy vitako "tsara" aza ilay boky.

Tamin'ny andro faharoa niofanana, dia dimy ambin'ny telopolo ambin'ny zato (135) ny isan'ireo olona tonga nanatrika ny fiofanana, feno hipoka ny trano, ary tsy ampy ny seza, ka na dia natokana hoan'ny tanora aza ny fiofanana dia nisy ireo raiamandreny loholona izay tonga niofana ihany koa, (somary sahirana ihany aho tamin'ny voalohany satria sarotra be ny mampiasa voambolana hoan'ny tanora teo anatrehan'ireo raiamandreny hajaina ireo) kanefa dia nizotra antsakany sy andavany ihany ny fiofanana ary "ao tsara" ihany ny "ambiance" nony kelikely (nentina nandravaka sy nanazavana ny vontoatin'ny lesona ihany koa moa ny hatsikana sy tantara mampihomehy isan-karazany).

Tena maha te hidera ny faniriana hianatra sy hiofana izay nasehon'ireto tanora sy mpitarika tanora eto anivon'ny rezionaly Tana ireto, nahitana ny zoky skoto tomima sy orima, ny rantsana Oliva, ny mpitarika sampana tanora , ny mpitarika chorale, ny Asafi, ny olon-tsotra marobe ihany koa tonga niofana tao.

Tsy ampy ny fotoana:

Tena tsy ampy ny fotoana, na izany aza anefa dia efa lesona fototra mikasika ny "leadership" mihintsy no azon'ireo mpiofana ireo, ary nohazavaina tamin'ny antsipirihany tokoa , ka ahafahany sahady miatrika ireo adidy miandry azireo eo anivon'ny fiangonana sy ny fiaraha-monina misy azy.

Mino koa aho fa ny lesona izay atolotry ny Sekretera Jeneraly Nasionaly James Chapard, dia hanampy betsaka ireto mpiofana ireto. Misaotra Tonton Chapard a!

Ny ho tohin'ny fiofanana izao no apetraka amin'ny Ray.

Diary anio 13 Septambra 2011 => Zoky Andry!

DIARIKO AOGOSITRA 2011

2011-09-01T18:34:00.002+03:00

Mbola ao anatin'ny fiatrehana ny fahafatesan'ny Minisitra Nadine Ramaroson ny mpanarabaovao amin'izao fotoana izao, atao ahoana moa, ny fahafatesana tsy mampilaza, na hoan'ny minisitra aza… izan'izay mba nahafinaritra ahy ny fomba fiasan'iny ramatoa iny ! tsy fantatro iza tena toetrany, fa raha ny fahalalàko sy ny nahitako azy dia tena niasa be sy tia niaro ny osa sy ny malemy teto Madagasikara izy, Sahirana mihintsy ireo mpanao tsindrio fa lafo sy ireo sokajin'olona mpanao didin'ny be sandry, sy ireo milaza mahitahita sy be vola, rehefa mirotsaka antsehatra miaro ny osa sy ireo voaporitra i Nadine Ramaroson ; handimby izay minisitra handimby azy iny, mba marina moa !

Misedra olana kely zahay roa fa tsy miasa i ra dina amin'izao fotoana izao. Henjakenjana ny zava-miseho, saingy araka ny efa averimberiko amin'ny seminera hoe "tsy olana no misy fa occasion" dia noraisina ho occasion famahana olana ilay izy! Dia ny tena izay mpampianatra indray ve no tsy hahay hiatrika olana? ho hita eo ny fahagagana ataon'Andriamanitra e!

Etsy andanin'izay dia Feno 2 volana sy tapany i Antsa kely, dongadonga sy mahafatifaty ery izy, Tia milalao azy ihany koa izy mirahavavy zokiny… Saiky tsy nisy nono mihintsy ra Dina tamin'ny voalohany, Simba mihintsy ny budget tamin'izay, fa ankehitriny kosa dia ampy tsara ny « sakafon-jaza », tantely amambahona ny fiainana e !

Aleo aloha ry zareo hisinda kely, hitako mahasoa ny fiainanay mianakavy kely izay raha ny amin'izao fotoana izao aloha. Ho hita eo indray ny ho tohiny rehefa miverina avy any Vatomandry ny tanoran'ny fiangonana Itaosy.

Anisan'izay nahazo tombony tokoa raha ireto tanora ireto, satria vao tamin'ny herinandro no vita ny hetsika "mider'Azy vita Bacc" andiany faharoa, nilay ilay hetsika! Sady afaka niala voly tsara ireo nanatrika izany (zahay koa anisany! Nitsinjaka ka nitsinjaka!). Nahafaly ahy ny nahita ireo tanora mpikarakara izay nanao ny ainy tsy ho zavatra, ary tena nahomby tokoa, Bravo ra Jean-Pierre! Sy ny ekipany! Fière anareo zah ry zareo a ! tena efa tonga fatra sy matotra tokoa ry zareo (ry aina kely sy aina be, ny masy, ry mika, ry liva, ry Fano sns sns , tiako nareo e!)

Miandry ny fahatongavan'I Zokivavy aho io, milaza fa ho avy eto Madagascar izy raha vao vita ny Ramadan hoy izy… dia miandry aloha, enga anie ka tsy ho tonga amin'ny herinandro izy fa raha izay dia tsy misy olona handray azy ao antrano fa ho any Vatomandry ny ankizy…

Mahavaky loha ny fiainana, indrindra fa amin'ny resa-bola, saingy tsy raharahako fa fantatro fa mandalo fotsiny ihany ny olana e! ary izaho mino fa tsy ho faty mahantra izany! Amen! Ny fikarakarana sy fanampiana ny tanoran'ny fiangonana ihany no anto-pisiako akoatry ny fikarakarana ny ankohonana, rehefa vitako izay adidiko izay, na fanofanana io na fitarihana sy torolalana dia izay ihany ny ahy! Ary efa kely sisa raha ny fahitako azy satria efa manomboka lehibe sy mahavita mandray andraikitra avokoa ireo tinaizako fahiny!

Ny fanotana boky mikasika ny leadership ity no tsimaintsy ataoko izay ahatanteraka azy, io izao no mba gramako akaiky sy mba andrian'ny foko, ho hita eo ny camp de formation skoto na hanahoana na hanahoana…. Amin'ny desambra.

Mba topazo maso kely aho Jehovah , fa mila Anao mihintsy aho , indrindra fa amin'izao fotoana izao!

Sabatr'I Jehovah sy gideona ! Fandresena !

TONGA SOAMANTSARA I ANTSA KELY

2011-06-22T18:38:00.001+03:00

RAMAMBASON Antsa Iangotiana !

Tonga soa ianao ry Antsa kely, tamin'ny alin'ny 15 jona 2011 ianao no teraka, zazakely mahafatifaty, ary nanahaka kokoa an'i Dada ny loko sy ny endrikao

Mafy sy nanahirana an'i Neny ny nitondra vohoka anao, satria vao efa-bola fotsiny dia efa nisy olana hatrany ny fitondrana anao, Saiky nateraka mialohan'ny fotoana saingy niezaka hatrany i Neny mba ahatojo anao ho feno volana sy feno andro, araka izay azo atao.

Nambaran'ny dokotera fa tsy azo ateraka mialohan'ny 15 jona ianao, ary vao nigadona mihntsy io daty io no injao ianao fa nitady lalana hivoaka !

Fa tena mahavariana ahy ny niterahan'i Dina anao, vao niditra tao am bloc tam 10 :30, nanomboka ny asan'i neny tam 10 :45, ary teraka soamantsara ianao tam 11h , tena vetivety !

Nahagaga anay ihany fa somary elaela enao vao naverin'ireo dokotera tamin'i Neny taorian'ny nahalatsahanao, tsy fantatray ny antony, tena ela taminay satria ora iray mahery !...

Faly i Kanto sy tsiky zokinao raha vao naheno ny fahaterahanao sy nahita anao voalohany !, ary tsy izy roavavy na izahay sy Neny ihany fa dadabe sy raneny ihany koa, ary ny fianakaviana sy ny namanay rehetra !

Fa tena sarobidy ianao ry Antsa, lafo vidy sy nisahiranana mihintsy ianao vao teraka soamantsara , olona maro no nivavaka ho anao sy neny mba ho tonga soamantsara ny andro ahaterahanao, koa hendre tsara ! ary ho tanteraka aminao tokoa ny tsodrano izay nomena anao fony ianao nasandratro hoan'i Jehovah raha vao tonga tao antranontsika.

Ny fantatro ry Antsa dia ho zaza hendry sy manantsaina ianao, Ho andrin'ny fianakaviantsika ianao , hampitolagaga ny mpiaramonina amin'ny fahendrenao sy ny fahaizanao, hanana ny ampy ianao, ary mihoatra lavitra amin'izay ilainao aza, koa mahaiza mizara sy antra olona.

Tsarovy ry zanako rehefa tojo olana sy ady ianao fa « ny zavatra rehetra dia hain'ny mino »

Dada ! 20/06/2011

Mahandrasa ry zanako !

2011-03-18T18:53:00.001+03:00

Mahandrasa ry zanako !

Tsy mety vita mihintsy ny fety ho fanamarihana ny faha 6 taonan'i Kanto kely. Efa tamin'ny volana janvier izy no feno 6 taona, kanefa hatram izao volana martsa izao dia mbola tsy manana enti-manana ny hampifalifaliana anazy izahay roa… tena krizy marina ny andro

Repos stricte au lit !

2011-03-18T18:52:00.001+03:00

Repos stricte au lit !

Mampalahelo ahy ny vadiko fa mijaly be loatra izy fa misy problème ny grossesse, nanotany dokotera namana aho hoe fa inona no mahatonga ny kibo ho ambany be ? dia nolazainy fa ny havizanana hoy izy ! bon j'ai compris hoe normale izy raha vizana ! satria ny asany dia tena feno deplacement à pieds isanandro. (repos stricte au lit foana no azo intelo misesy…)

Na izany aza ry Tompo, Ianao mahalala ny mahasoa sy mahatsara anay, mba tsy olana ny fahatongavan'ny zazakely fa tena mba ho fahasoavana tokoa… Hamorona zavatra entina manompo anao indray aho rehefa omenao anay soamantsara io zazakely io. Amen !

Faly aho!

2011-03-18T18:50:00.001+03:00

Faly aho fa tonga nitsidika anay tany antrano i Dada, tamin'ny herinandro voalohan'ny volana martsa teo izy no nandalo teto, ary niresaka tsara izahay (sady i Nary mianakavy kely koa tonga tao) , hitako fa efa lehibe sy efa reraka ihany izy, ny lelany miraikitra, ny tongony toa taritiny izany… fa faly aho fa tonga izy namangy anay. Ny zavatra nampihomehy sady nampalahelo dia tsy fantatr'i Tsiky intsony ilay dadabeany ! efa ela loatra no tsy nifamangy .. Nilaza koa izy fa tsy nahazo vaovao tany amin'i Zoky vavy intsony taorian'ilay hoe hanambady i Mihadjah, izaho aza tsy naheno izany vaovao izany mihintsy

Fa hitako niova i Dada, raha mikasika ny fifahavanana, tongava eny aminay hoy izy , « bipeo izahay rehefa eny Sabotsy Namehana fa hotsenainay ianareo » hoy izy ….Tena nahafaly anay iny !

Maninona koa hoy izy raha mba mifanao fotoana eny ambohijatovo eny isika rehetra dia mba mifankahita ?… milay !

Ny tsy fahombiazana

2011-03-18T18:48:00.001+03:00

Ny tsy fahombiazana

Hoan'ny olon-dresy, ny tsy fahatanterahan'ny faniriana amin'ny fotoana izay niheverana azy dia mijanona ho tsy fahombiazana tokoa, kanefa raha te hahomby tokoa ianao , ny tsy fahombiazana anakiray dia dingana mankany amin'ny fahombiazana ihany.

Indraindray mantsy dia tsy avy hatrany dia mahomby isika, satria misy zavatra na toe-javatra miseho izay tsy mbola voafehintsika kanefa mihatra amin'ny fiainantsika. Ny tsy fahombiazana na ny échec izany dia fotoana anakiray « hianarana » sy hanatsarana ny « fahalalàna » connaissance, sy ny « traikefa » expérience, koa raha hainao ny mamadika ny tsy fahombiazana ho fitaovana iray entina mahazo fahombiazana dia ho tsapanao fa marina ny teniko tery ambony hoe « ny tsy fahombiazana dia dingana mankany amin'ny fahombiazana ».

Miala any ve ny ady lehibe fahatelo ?

2011-03-18T18:47:00.001+03:00

Volana febroary 2011 isika izao, niongana tao anatin'ny iray volana ny fitondran'i Moubarak tany Ejipta, sy ny fitondrana tany Tunis, ary amin'izao fotoana izao dia efa mikorontana tanteraka ny any lybie , Yemen sns, rehefa jerena maika dia mikorontana sy mirodana ny fitondrana tranainy sy andriamanjaka rehetra any amin'ny faritra Arabo.

Inona no ambadik'izao ? Tsy mpaminany loza aho tsy akory , fa araka ny fihevitro dia afaka taona vitsy dia vitsy monja dia tsy maintsy hisy ady lehibe hipoaka eto, ary ho adin'ny firenena Kristiana sy Silamo izany (raha endriny ivelany).

Nahoana hoy ianao? Satria mila ady ny toekarena tandrefana vao afaka miodina, mila petrole ry zareo satria efa ho ritra izao ny petrole eran-tany, aiza anefa no misy petrole ?..... any amin'ireo toerana misy Krizy ankehitriny ireo…

Ary hamporisihin'ireo tandrefana ireo daholo ny silamo mahery fihetsika rehetra mba haka fitondrana, ary rehefa tafapetraka soamantsara eo ireo dia rangitina hiady amin'i Israel, na homba ny firenena Iran, ary tsy maintsy hanafika an'i Israel sy ireo tombotsoa tandrefana rehetra….

Toa tafiditra anatin'ny fandriky ny illiminatis sy ny franc macons ireo vahoaka arabo ireo, ary mihevitrra aho fa miray tsikombakomba amin'izany ny sasan-tsasany amin' ireo mpitarika politika silamo ireo. Ho ampiasaina avokoa ny tele sy ny internet sy ny fifandraisan-davitra rehetra mba hilazana fa tsy maintsy hatao ny ady…, dia hiteny avokoa ny mpanara-baovao rehetra amin'izay hoe « marina kosa izany » « tsy rariny kosa izao », tokony mba hihetsika ny ONU sns, angah moa ny ONU manana miaramila fa tsy maintsy ny OTAN sy ny Amerikana no ho avy eo ! Tahaka ny nanaovana an'i Sadam Husein sy ny Petrol irakianina ihany !

Ao anatin'ny planin'izireo , ny hisian'ny ady lehibe mahatsiravina, ary ho afaka hiditra amin'ireo tany ireo avy eo ny tafika tandrefana rehefa mamaly bontana ny fanafihana izay ataon'ireo mpitondra arabo vaovao izay hapetrak'izao Krizy politika novolena maneran-tany izao…

Tsy voatery hisy mpandresy sy resy io ady lehibe io, fa samy ho reraka avokoa ny governemanta rehetra, sy ny vahoaka rehetra (hisy ny mosary sy ny Krizin'angovo na crise d'énergie) ary dia hiseho tampoka ho toy ny mpamonjy sy mpanavotra ilay Kristy sandoka sy ny Nouvelle ordre Mondial izay holazaina fa vahaolana hoan'ny rehetra !

Tssss ! enga anie mba ho rediredy ny ahy !

Izaho ve no adala ?

2011-02-08T18:31:00.001+03:00

Sakaiza ô !

Hatramin'ny nahatsiarovako saina aho dia niezaka mandrakariva mba ho havan'ny olon-drehetra (araka ny lalàna Tily), Ankehitriny anefa dia tsapako fa nandao ahy tanteraka ny atsasaky ny ankohonako, ny fianakaviana sasany moa dia efa ela no tsy nifanerasera firy hatramin'ny nahafatesan'i Neny..

Very fianakaviana sy mpiray tampo aho , kanefa nahazo namana marobe kosa ,tanora nobeaziko hatrizay, raiamandreny be diabe, ireo sakaiza sy mpiara-miasa ihany koa , manoloana ny asa anefa dia mahatsiaro tena ho vitsy an'isa ihany izahay !

Maro izireo no niaritra ny fomba fisainako izay mirifatra lava, tsy mandeha mora fa mihazakaza-dava…Ny tetikasa marobe mivoaka ato an-tsaiko toy ny rano vaky, vao vita ny eo dia mipoitra indray ny tetikasa manaraka ! …. Mibahana ato an-tsaiko foana ny voadiko tamin'i Jehovah hoe « hikarakara ny tanoranao aho Jehovah.. fa mba ankiniko aminao kosa ny .. » sy ilay teny fikasana nomena ahy hoe « hamboly sy hanongotra, handrava sy hanorina ! »

Marobe ireo tsiambaratelo na zava-miafina fantatro ankehitriny, kanefa izay mitombo fahalalana hono mitombo alahelo, tsapako fa tsy mitovy amin'ny olona tsotra mihintsy ny fijeriko ny fiainana, (indraindray dia miteny mihintsy Radina hoe « ho lazain'ny olona fa mitapy ialahy, fa tsy azon'ny olona ny zavatra manjo sy ataon'ialahy » satria fantatro marimarina ny fisian'ny asan-devoly izay mifehy na mikasa hifehy izao tontolo izao ity, ary tena ambava-loza i Madagasikara…

Ahoana anefa no ataoko hampahafantarana ny hafa ny zavatra marobe fantatro ?

Tena mampitsiry fanantenana ho ato anatiko ny faminaniana 2013 (Pasteur Mailhol), ary tsy hitako izay sakana sy antony tsy ahatanteraka izany faminaniana izany ! mbola misy fanantenana ihany izany hoan'i Madagasikara…

Kanefa malahelo ihany ny tena mahita ny akamaroan'ny tanora izay mbola variana tsy mahalala na inona na inona, tavela ao anaty fitiavan-tena, fifandirana sy fialonana ! tena tsy fantany mihintsy ve fa misy lozabe tsy roa aman-tany efa mahazo ny planetantsika ity anie e !, ary hikepoka an'ity firenena Madagasikara sy ity génération ity amin'izao ora sy fotoana izao ?

Variana amin'ny filàny kely avy ny olon-dehibe, ny tombotsoany no mibahana ao andohany, ny zanany, ny volany, ny tranony, ny sezany, ny bikany, ny film sy ny clip isan-karazany, ny voninahitra sy laza …Mihinana ambolony izay zavatra hitany amin'ny tele sy gazety ny olona, mampite hihiaka hoe eh ! fa mitapina ve ny masonareo e ? tsy hitanareo ve io loza be mitatao io e ? Tontolo ohatry ny ahoana no havela hoan'ireo zandry kely ireo ? tontolo eo ambany vahoan'ny Satana ? tontolo potika sy tsy azo iainana ?

Efa tena mipetrapetraka anie ny tetikadin'i Satana e ! famindram-pon'ny Tompo Jesosy no mahatonga antsika mbola toy izao … tsy andron'ny ady an-trano intsony izao ! tsy izany intsony no resaka !

Sa dia avela hiady irery eo koa i Pasitera Mailhol ?

Mijoro manoloana ny banga !

Nanjary manao zavatra sy misahana zavatra marobe aho ! tena marina izany ( tahaka ireny olona mahita loza ireny ka mikoropaka miasa irery manao izay azo atao manetsina ny banga rehetra (combattre sur tout le front hoy ny fiteny vahiny) dia tena mahatsapa ny tenako ho toa izany aho !

Tsy azon'ny olona maro ny antony anaovako izao zavatra rehetra izao ! tsy fantany fa tahaka ny mpanonofy rehetra hatrizay dia maniry taranaka vaovao koa aho, fiaraha-monina vaovao, lavitry ny disadisa sy ny fitiavan-tena, lavitry ny ota sy ny filan-dratsy isan-karazany, taranaka feno fitiavana sy fandeferana ary firaisan-kina ary ….Planeta madio sy milamina, tiako hatao sy enjehina atao daholo izay zavatra azo atao rehetra hanoherana ny asan-devoly sy ahatanteraka ireo nofinofiko ireo…

Sa tsy ho tanteraka mihintsy izany nofinofiko izany fa izaho no adala ?

Iza re no mba ho namako, ka mitovy tanjona amiko ? aiza no ahitana azy ? ho maro sa ho vitsy ? tolory saina aho Jehovah ô !

tantara tsy fanadino: Mitandrema ianareo am in'io zalahy io!

2011-01-31T18:54:00.001+03:00

hotantaraiko tantara kely ianareo,
tamin'ny 1998 , raha nanangana ny TOM izahay dia nanao antso tamin'ny rfa, ary tonga nanohana ny antso na olona tsy apokalypsy aza!
nisy lehilahy lehibe (50-55 ans) izay koa tonga tao ,ex Tily (protestanta) hono izy ary Filoha Jean no fiantsoana azy (hoy izy), Nandritra ny adihevitr anifanaovanay tao dia nifandona ny hevitray mianaka, ny adihevitra tamin'izay dia ny hoe "akambana amin'ny skoto hafa ( n'izao tontolo izao) ve ilay skoto apokalypsy sa tsia? ny heviny dia hoe "aleo ianareo mikambana" fa aza manao mitokana izany!,
Raha ny hevitr'io rangahy io dia hoe fivondronana tily sy mpanazava no atsangana tato amin'ny apoka , saingy efa nanipy teny tamiko ihany izy mialohan'ny fivoriana, fa tsy nety ahoizaho moa vao resy lahatra apoka tamin'izany , vao mafana! ary tsy te hikambakambana am skoton'ny Bibidia izany!
mahay miteny sy mampite hanaja be io lehilahy io (sady somary masiakasiaka ihany koa) le fiteny skoto matotra be ireny e! ka tsy mba nisy sahy namaly ny heviny nandritra ny fivoriana (izy koa moa mpiteny hoe "any amiko misy document, raha ilainareo" sns

Ny somary nahagaga ahy dia tsy nisy nanohitra firy ny heviny fa izaho ireny no tena tsy nanaiky hatramin'ny farany! mbola zaza aho tam zany, sady izaho no sandriny indrindra, saingy skoto vaovao mihintsy no masaka tao andohako, skoton'ny Apokalypsy , tsy misy ifandraisany amin'ny alahdiste, tsy aleoko ve miverina tany am fivondronako taloha raha skoton'ny alahadiste ihany no hifehy sy hananganana ny skoton'ny apokalypsy?!
dia tsy nanaiky hatram farany aho nandritra ny fivoriana hoe hampifandraisina sy ho tantanin'ny skoto protestata ny skotontsika io! tsia !
dia tezitra be tamiko izy! satria izaho irery no tsy nanaiky hatram farany! ary dia teo imasomaso teo izy no nisendaotra ka nanao hoe "mitandrema ianareo am le zalahy io"!!!!

tsy norarahiako ny teniny , satria mbola pire noho izany aza no azoko tamin'ny filoha tily amperinasa taty aoriana!
fa raha ny tenin'io olona tsy praifa io no narahina tamin'izay dia tsy ho toy izao ny skoto apokalypsy

tsy nisy izany komity mpiahy nasionaly izany
tsy nisy izany ekipa nasionaly izany
tsy nisy izany tomima sy orima manerantany izany!

fa tily sy mpanazavan'i filoha jean no nisy teto
tsy niverina nivory intsony moa io rangahy io taty aoriana!.....

dia izay ilay tantara mahakasika ilay hoe "tandremo le zalahy io e"
fa ny olona tsy mahalala ny tena anton'io teny io, na minia nanadino ny tena adihevitra tamin'izay!
isaky ny maheno olona miteny hoe "tandremo io zalahy io aho" dia mihevitra foana hoe "fanahy tsy apoka" no niteny an'izany ary tsy nahatohitra ahy izy ka namboly tsy fifampitokisana tamin'ireo mpiara-miasa tamin'izany!
dia misy mampitamberina foana io resaka io isaky ny misy olona te hanaratsy anah! ny tsy fantany dia hoe "teny mampatsiahy ahy ny maha fanahin'ny apoka ahy io, ary milaza ny nahasahiako namaly olondehibe , satria tiako ny fikambanako sy ny fiangonako ka tsy afangaro amin'ny fanahy hafahafa izany!

tsy omeko tsiny koa anefa ny mpiara-miasa satria tsy naharaka mialoha ny tena "intention" n'i Filoha Jean izireo, fa izy kosa efa niteny mialoha tamiko ilay heviny fony mbola tsy nanomboka ny fivoriana saingy tsy nety aho, ary tsy nanaiky hatram farany!

izay e! tsy misy miala eo rastah a!
gideona!

izay e!

Ny olona tena ratsy fanahy dia ilay mandehandeha manao vava ratsy…

2011-01-26T18:58:00.000+03:00

Mba gravy koa ity teny faneva isan-taona ity, fa tena tsy "mi-raty" mihintsy fa tratra sy miaina azy foana ianao isan-taona!

Anisan'ny teny faneva tsy mba mahafinarita ahy ity tena faneva 2011 ity raha vao hitako mialoha, satria fantatro mihntsy hoe hanahirana ny miatrika azy!

"Pet 3 14-15" fa raha tahiany mitondra fahoriana,nohon'ny fahamarinana ianareo, dia sambatra ary aza matahotra tahaka azy, ary aza mangorohoro ianareo, Fa manamasina an'I Kristy ho Tompo ao amponareo, ary aoka ho vonona mandrakariva hamaly izay manotany anareo…nefa amin'ny fahalemem-panahy sy fanajana"

Misy tenin'Andriamanitra manome famaritana ny atao hoe olona tena ratsy fanahy izay ao amin'ny Ohab 6:12, manao hoe "Ny olona ratsy , tena ratsy fanahy dia ilay mandehandeha manao vava ratsy! Brrrr! fa tena mafy tamiko ny nandrenesako ity fanaratsiana sy fosafosa farany ity! Ny hatramin'izay zaka ihany fa tamin'ity no tena lotika! ngoly! maratra mihoson-drà! mihintsy ianao raha vao naheno azy!

Lalina ihany ilay fitsipiky ny famonoanolona , fa

Miainga avy amin'ny Fitsiriritana izy
Avy eo fifaninanana (mody lazaina fa hoe masina)
D avy eo fialonana
Ary farany fankahalàna!
farany famonoan'olona (ankolaka) @ alalan'ny fosafosa sy vava ratsy!

Ny aza mba voany ihany fa tena tsy ampoizinao ny fiasan'ny fanahy ratsy! Aiza ka ny asan-devoly izay efa iadivanao isan'andro isan'andro sy ampahafantarinao ny olona isanandro isanandro indray no ilazàn'ny olona anao fa iraisanao petsapetsa! Looza! Tena mba tsy rariny!

Marina fa ny teny faneva 2011 miteny hoe "aza matahotra tahaka azy" sy ny hoe "aza manimba saina fa manàna fieritreretana tsara! Ary koa hoe "amin'ny fahalemem-panahy sy fanajana"….

Fa tena tsy maintsy hitaraina any amin'I Jehovah ihany aho! Aleoko any no mitati-bolana! Fa tena misy ratsy fanahy tokoa mihintsy ny olona!

Mino ho fa Marina ny nataon'I Davida hoe

Raha manantona ahy , hihinana ny nofoko ny fahavaloko sy rafilahiko,

Dia izy ihany no hotafitohina ka ho lavo! Salamo 27:2

Ary tezitra be ve zah zany e?

Ampy izay ry zandrikeliko

2011-01-06T18:12:00.001+03:00

Zandrikely !

Tonga tany amin'i Nary hono ry dada sy mama vaovao hoe mila 750 000 fmg amintsika isam-bolana, ary vola tsy averina , mba hikarakarana ny sns

Rehefa niantso ahy tany antranony i Nary dia nambarako azy fa Tsy afaka ny hifampindram-bola na hifanerasera amin'ny resaka ara-bola amin'I dada sy mama vaovao intsony aho ry Niry fa mahatsapa tena ohatry ny ambakaina izany aho, (tsy haiko na i dada no manambaka anay na i mama vaovao, na ireo zanak'i Mama vaovao no manambaka antsika, tsy h aiko!),

Sady fihavanana sy fifankatiavana ary fifaneraserana ny ahy no tadiaviko fa tsy tiako raha isaky ny mila vola vao mahafantatra ahy ny havako.

Mba manana ny manahirana anay koa izahay hatrizay fa nohon'ny fitsinjovako ny fifankatiavana misy teo amintsika no namoronako vola homena an'dry zareo hatrany ka nampihafiako ny vadiko sy izy roavavy kely zanako,

Ampy izay fitadiavana fihavanana nataoko izay ry Zandrivavikeliko, fa aleoko amin'izay mionona toy izay hanantena anareo hifanerasera aminay intsony,

Ø Vitanareo ihany ny miray bus, ka miray seza amin'ny olona tsy miara-mivavaka aminareo

Ø Vitanareo ihany ny miditra biraon'olona ka mitafa aman'olona tsy mitovy fomba ami nareo

Ø Vitanareo ihany ny mifanerasera isan'andro amin'ny mpiara-miasa tsy mitovy fomba aminareo,

Ø Fa tsy vitanareo kosa ve ny mihavana na mifanerasera na mba mifankahita amin'ny ankohonana mifanapa-tsinay aminareo?

Fa dia naninona anareo loatra izahay no ataonareo ohatrizao? Sa dia tena tsy misy vidiny tokoa rehefa tsy mitovy fivavahana aminareo? …. Mampalahelo isika !

Izao izao dada miteny hoe mba ilazao I Zokivavy any Comores sao mba misy azony atao sns,

Raha mba fantatr'I Zokivavy mantsy fa nahilikilika izy tamin'ny fahatongavany farany teo, ka nasain'i Dada hoe izahay sy Zandrilahy no mandray azy (kanefa sady zokintsika izy no zanak'I Dada ihany koa, Sa hoe izy Silamo? Sa hoe sao dia mahantra izy? Sa rehefa hita fa metimety indray izy dia afaka namangy sy nihaona taminy ihany ireto isika na dia fantatsika aza fa nivadika ho Silamo…Angamba tsy ho zakanareo ny alahelony raha fantany izany…

I Dada koa nanafatra hoe mila mivory isika enina (isika telodahy sy ny vadintsika avy)

Efa ela aho nangataka an'izany tamin'I Dada hoe "mba asio fivoriam-pianakaviana re, fa mba te ahita ny tranonareo izahay, sady ny zanakay manotany foana hoe "fa aiza I Papi sy ry Tantine no mipetraka? Dia lazainay azy hoe any lavitra be!, dia rehefa manotany izy hoe fa maninona no tsy mba mitelephone ry zareo dia lazainay hoe "tsy misy reseau".

Raha resaka fihaonana sy fifaneraserana dia Ianareo no eran'izany fa tsy izahay mihintsy, saingy indrisy! Tsy misy akory na dia fihaonana tsotra nohon'ny maha samy olombelona aza…, ary tsy isika enina ihany fa isika samy zanak'izy mivady mihintsy no tokony hivory hoaho, fa angaha isika ity biby sa olona, fa dia mpihavana anarana fotsiny!

Tamin'ny herintaona toy izao dia naka conge mihintsy izahay sy nary mba hamonjy taom-baovao Jiosy tany amin'ny fiangonanareo, rarahianay inona moa izay taom-baovao sy fetinareo any? fa ny ahita tava anareo no tena zava-dehibe taminay, azy izany no antony nitondranay ny zanakay nakany, mba ahitany izany nenifara, sy dadafara sy dadabe , sy cousins izany! Sa dia tsy azonareo mihintsy izany zavatra izany?

Fa ampy izay! Tsy mahavita intsony aho!

I Zandrilahy sisa no mbola mivaky loha mitady izay tokony hatao amin'ny hamerenana indray ny fifankatiavana eo amin'ny ankohonantsika far aha izaho dia efa kivy tanteraka aho, ary aleoko mamoy!

Mba manana ny mpiara-mivavaka aminay koa aho, ireny aza tena mahavita manavotra sy mifampitsimbina aminay, mitondra any ho toy ny zoky iray tam-po, ny sasany indray tena mitondra anay ho toy ny ray sy reny niteraka mihintsy , manoatra nohon'ny ataon'ny mpiray tam-po, ny sasany aza manaja anay ho toy iren olo-masina ireny mihintsy, izahay indray no menatra.

Raha ny fitiavan'ny rafozako ahy indray dia menatra mihintsy aho, fa tena mandray ahy ho toy ny zanany naterany mihintsy izireo, sady manaja izireo no manampy , no tsy manararaotra ny fihavanana eo aminay.

I Nary sy Vony aloha dia tena deraiko manokana satria ny fitiavanizireo anay dia tsy niova hatramin'izay ka hatramin'izao)

I dada miteny foana taloha hoe "fehezo ny vadinareo"…..pfff ! aiza izy izao? Ilaozany mamorona problem foana no ataony amin'ny fiainana, tsy mba mahay misitraka ny fianany mihintsy izy fa dia miditra "cafouillage" foana, Na koa tsy azo tenenina dia ambakain'ny olona eny foana!

Efa nanampy an'I Dada sy Neny aho tamin'ny fivarotantsika amoron-dalana mba ho fanampiana ny fianaranareo mianadahy, indrindra fa ianao ry Niry, ianao ilay tsy azo ampanaovina raharaha taloha fa hoe manao devoir, tsy afaka manampy amin'ny raharaha madinidinika tao antrano fa hoe mianatra lesona sns sns. , Tsy afaka nanohy fianarana aho fa hoe rehefa feno 20 taona dia tsy miantoka fianarana intsony I dada, d nijanona aho. Na ny diplaoma anananareo aza izao tsy ananako! Kanefa nahavita nihoitra tamin'ny fiainana ihany aho (isaorako ny Nahary ahy!), Efa nanampy an'I Zokivavy koa aho, ary herintaona latsaka no nijalijaliako tany comores nanampy azy, ary saiky matin'ny aretina tany aza aho!

Ampy kosa angamba izay !

Fa nandady fihavanana taminareo aho nandritra ny telo taona, fa ok! Efa azoko tsara izao ny tianareo ka dia aleoko mionona.

Fa tena tsy tantiko kosa raha hoe fifankatiavana sy fifaneraserana no tadiavinay aminareo, ka vola foana kosa no tambiny tadiavin'I dada aty aminay,

ary ny anao kosa ry zandrikeliko, sady tsy miantso ianao no tsy re maty tsy re velona, sady tsy tonga mamangy no tsy mampandroso an-trano ,

fa avy taiza moa ianao io ry zandriko? Nilatsaka avy any an-danitra angaha isika , sa mba fantatrao moa fa misy zokinao miisa Telo eto amin'ity tany ity, ary mbola misy zokivavy anakiray aza any ?

Ka tsy vita irery ny fiainana ry zandrikeliko, fa na ho ela na ho haingana tsimaintsy ilaina ny "mpiray tam-po"

Kanefa mandrapiandry ny rehetra ho tonga saina, dia ampy aloha izay fitadiavako fihavanana aminareo izay. Soa ihany I neny fa efa maty, fa nampalahelo raha mbola velona teo izy!,

Aiza ho aiza ny fifankatiavana sy ny firaisankinantsika fahiny, indrindra fa fony isika mbola zatovo sy tanora tao antranon'I dada sy neny?, tamin'izany aza isika tsy mbola tena nahalala ny Fahamarinana ara-tsoratra Masina akory! Amin'izao kosa efa milaza tena fa mpivavaka daholo indray no tsy mahalala mifankatia fa ohatry ny biby sy olona no iheveran'ny sasany ny tenany.

I Nary aza tsy pratiquant kanefa tena manana fanahy maha te hidera ! (Samaritana tsara fanahy marina izy!)

"Ny alaleho no tsy ambara Havana hono, zakan'ny tompony ihany", fa nambarako ny ahy satria tsy zakako!

Miray soa ho anao aho ry zandriko, enga anie ka ho azonao tsara hoe inona no fototry ny alaheloko.

Andry!

Blem foana ve ity fitiavana ity e?

2010-12-08T18:28:00.001+03:00

Mba rahoviana re no mba tsy hisy olona hanana olana amin'ity resaka fitiavana ity intsony e? , mampalahelo mihintsy isika olombelona, ny fitiavana tokony ho "vahaolana" indray no lasa olana! Indrindra fa hoantsika tanora. (Mbola ahazo vava ratsy amin'ny olon-dehibe amin'io isika, mba marina moa, holazain'ny sasany hoe "ka hoentinareo tanora amin'ny tsy izy tsinona ilay izy dia lasa olana! Hahaha! Ohatrireny dia tsy manana olana amin'ny vadiny ireny ry zareo! ", tsy anao marina ny lelo ka hoe "ahisino"!)

Ny fanotaniana efa novaliana tamin'ny 7 taona lasa no mbola misy manotany indray androany,

Ireo tanora vao nisondrotra koa, tsy mba mandray lesona tamin'ny zokiny fa mamerina ny fahadisoan'ny teo aloha indray, Dia tsimaintsy hampianatra mikasika ny fitiavana foana izany isan-taona e! Atao ahoana moa! Ka misy promotion foana isan-taona tsinona kou!

Resaka odimaso – Franc maçons, illuminatis !

2010-12-08T18:27:00.002+03:00

Vita ampahibe-maso ihany ny resaka franc-maçons sy ny illiminatis eto anivon'ny fiangonana pokalypsy ela ny ela! Tsy dia sahy niresaka firy an'io mantsy izahay fa natahotra ho tratry ny hoe "tsy azo resahina izany" na koa hoe "tsy misy dikany izany" indrindra moa ka hoe "tsy anjaranareo no miresaka an'izany (sanatria)" (tsy nisy nitranga akory ireo fanahianay ireo fa izahay fotsiny no be eritreritra teo…),

Ankehitriny dia efa vaky izao ny resaka (isaorana ny Tompo Jesosy, isaorana koa ny "odimaso", bravo hoan'I Dkn E, fa mahate-hidera ny fahasahiany ! )

Ka dia afaka hilaza ny zavatra rehetra fantatray amin'izay izahay (ny tao amin'ny emission isika tanora moa no saika hitondranay azy io, saingy najanona tamin'ny ora farany izy tamin'izay fotoana izay). Raha ny fahitana ny fahalinan'ny olona dia mahavelombolo tokoa, saingy eo amin'ny fahatakarana ilay "resaka" no ohatry ny tsy dia….firy. Saingy tsy maintsy lazaina ny marina, izay mahatakatra mahatakatra, izay tsy mahatakatra mba mandray izay azony raisina eo!

Fampihavanam-pirenena!

2010-12-08T18:27:00.001+03:00

Mba tsy azoko mihintsy ity resaka fampihavanam-pirenena ity! Inona no tena heviny? Misy milaza fa ny famotsoran-keloka fahobe no lazaina fa fampihavanam-pirenena, misy indray milaza fa ny fanomezana seza ny mpitarika politika rehetra na izay nanangana antoko politika rehetra no fampihavanam-pirenena?

Angamba kosa tsy ny firenena no niady fa ny mpanao politika e? koa tokony ry zareo no mifampihavana , izany hoe « fampihavanana mpanao politika, mandrapahatonga ny gidragidra manaraka indray » ve izany no atao?

Fa raha ny Malagasy mihintsy kosa no tiana hampihavanina dia tiako izay tanjona izay, dia omena famotsoran-keloka avokoa na ireo nanodikondimbolam-panjakana, na ireo nangalatra mangahazo sy ovy teny an-tsaha, fa tsy mety kosa raha hoe izay mpanao politika nangalatra ihany no mahazo famotsoran-keloka fa izay mpangalatra akoho tsy mahay politika dia tsy mahazo », ny sasany aza toa namono olona mihintsy ! Nanambàka vahoaka sy nibodo fananan'olona, nandromba firenena mihintsy fa tsy hoe namaky trano iray na roa fotsiny …

Aleo foanana mihintsy aloha ny fonja dia avoaka daholo izay "nandiso" rehetra, dia mifampihavana avokoa ny Gasy manana ady amin'ny tribonaly rehetra, mety ho fety be mihintsy amin'izay no mitranga an ! « jobily famotsorankeloka » no atao anarany, dia andro tsy hiasàna kanefa handraisan-karama ! dia hotenenenina hoe « afaka 50 taona indray vao hisy famotsoran-keloka toy izao an ! » na hoan'ny olon-tsotra na hoan'ny manao politika adala

Sa isan'andro ny fetin'ny ankizy?

Mampigadra sy migadra!

2010-12-08T18:26:00.001+03:00

Any ampigadrana daholo ny ankamaroan'ny mpanohitra mpanao politika sy ireo mpitari-tafika mahery fihetsika rehetra (ry charles, ry kotiti, ry fetison, sns) amin'izao fotoana izao, fa anjaran-dry Voninahitsy sy ry Pety indray izao no mivoaka, tena lamaodin'ny mpanao politika mihintsy ilay migadra !

Raha ny eto amin'ny tanàna,aloha dia mila mahazaka ihany izay hanao politika e ! indraindray misidina ambony sy hajaina ohatry ny mpanjaka sady manjakazaka ohatry ny adala, sady manambola tsy fantatra hoe avy aiza ?, Tampoka avy eo indray dia matory eny ambony « ciment » any amponja, mivoaka avy eo « gotry tsy manam-bola » de mitarika vahoaka indray, d mitarika tolona sy miady seza, d misy rà latsaka (ny samy gasy ambany ihany no mifamono eo, fa ry zalahy kanosa matahotra poa-basy !) d miakatra ambony dia ambony indray fa nahazo seza , mandrapiandry ny fidinana anaty fonja manaraka! ….

mampalahelo raha ny mpanagadra no migadra aaaa!

Sao d « am le-fetsy »!

2010-12-08T18:25:00.003+03:00

Izy dia tsy haiko mihintsy izay tena mba manjo azy, tsy mba toy ny sakaiza rehetra hatrizay izy, milaza fa manana blem foana, izay torohevitra omena toa tsy misy mandaitra aminy mihintsy , sady be loha no be saina… mampalahelo ahy izy fa tena mandany « saina » be le mitady vahaolana hoazy, ny ankizivavy hafa anefa dia toa mba andairam-bahaolana daholo, sao dia mba tsy manana blem akory azany izy io fa tonga amin'ilay tenenin'i Zk Dina hoe « am le fetsy ! » mba marina moa, ny loza dia ho lasa problemako eo koa io ! Dray dray dray!

Nitsena teny ivato!

2010-12-08T18:25:00.001+03:00

Tsy ampy torimaso fa taraiky be foana vao natory tato ho ato, indraindray variana manatsara sy manintsy ny fiche technique entina amin'ny camp de formation scoute, indraindray dia tena variana mijery tele na mamaky boky mihintsy! , zaran'I madama aza! Mba matory milamina tsara aloha izy ka tsy maheno ahy mierotra!

Vao omaly koa no nitsena an'I Ptr M mivady sy ry Dkn F avy any China ! efa tamin'ny 2 maraina vao natory ! tiako kosa iny tany Ivato iny! Sady manome courage be ny mahita ny fiaraha-mientan'ny olona marobe tonga nitsena teny sy ny mahafantatra fa tena "ezaka be" sy voan-dalana maro sy lehibe no nentin'izireo niverina eto ! tsy haiko fa tena sady faly aho no courage be! , na izany aza dia tsy ilaozan'olona mampmé ny tanana! , « mila atosika atao contre-ataque hono le avion fa tsy mety velona ny moteur-ny! » Hahahaha !

ohatry ny hitako ny hanjo ny skoto sy ny samaritana tsara fanahy ! isa- roa- telo – alefaaaaahh !