Nanambady Dada

Nanambady i Dada, taorian'ny nahafatesan'i Neny dia nanambady ihany i dada taona vitsy taty aoriana, mpiara-ivavaka aminy ihany no nalainy ho vady, tsotra dia tsotra ny fety , na izany aza dia faly izahay telo miana-dahy sy ireo vadinay avy nanatrika izany fisoratana izany,
amin'izao fotoana izao anefa dia tsy mifanerasera aminay firy intsony izy, vokatrilay fivavahana arahiny moa no anton'izany, mampalahelo mafy ahy mihintsy izany satria misy fotoana dia manotany ny dadabeany ny zanako! I Nary mivady sisa no mba havana akaiky ahy, soa ihany fa mbola misy ny fianakavian'i Dina, io ny sary tamin'ny mariazin'i Dada

Mba henjana koa ity volana Mars sy Avril ity, ny grevy sy ny gidragidra teto amin'ny firenena koa niatraika hatrany anaty vilany, ny olana teo am firenena misy taratra eo anivon'ny fiangonana ihany koa, gravy ! leo be ilay asako sahady aho, tsy ny asa fa ny ambiance

hatreto aloha dia calme kely indray ny fo,
efa vonona ny amin'ny zavatra rehetra,
milay ny asa vaovao, tsotra sy tsy mirotoroto!
mba handeha hanao congé miaraka amin'ny vady amanjanaka ela ny ela !

MATAHOTRA AHO

Nanonofy ratsy aho halina! nofy mahakasika ny fiangonana! maharary ahy ny kiboko isaky ny mieritreritra io nofiko io aho.

Tsy ilaina ny mifindra fiangonana...

• Indraindray rehefa sendra olana eo anivon'ny fiangonana misy azy ny olona dia miezaka "manitsy" aloha izy, ary aty aoriana rehefa hitany fa tsy misy azo atao dia mifindra fiangonana izy.

Raha ny traik'efa nandalovako hatrizay anefa dia hitako fa tsy voatery ho ratsy hatrany na ratsy tsara hatrany ny "fiainan'ny fiangonana" satria na ireo vahoaka (fiangonana) na ireo mpitarika fiangonana dia "olombelona ihany". Indraindray "mety tsara ny fifandraisany amin'Atra, ary indraindray tsy mety, ny fahombiazany anio tsy miantoka ny fahombiazany rahapitso , toa izany koa ny fahalavoany anio dia tsy midika fa ho lavo hatrany izy....

• Raha mahita fahamarinana vaovao ny olona dia rariny izy raha m ifindra fiangonana , fa raha mbola mitàna ny fahamarinana hatrany anefa ny fiangonany dia tsy misy antony tokony "hivoahany" satria tsy misy fahamarinana vaovao hita akory....

• Midika ihany koa anefa izany fa "tsy azo lazaina fa mivoaka" izay mamonjy fiangonana hafa kanefa mitovy amin'ny fahamarinana niainany teo aloha no ao amin'ilay vaovao....

Aleoko tsy mifindra fiangonana , raha hoe tsy miova ny fahamarinana , na inona na inona faharatsiana hita sy re , ary tsapa,

• Satria ny fahalavoako , na ny fahalavoan'ny hafa androany dia tsy midika fa ho lavo mandrakizay aho, ary ny olona no mety ho lavo fa tsy ny fahamarinana mihintsy...

Hatreto aloha !

Avy aiza ny ady? Avy aiza ny fifandirana ? Jak 4:1

• Nisedra zavatra maro ny fiangonana tamin'ty taona ity. Ary mbola tsy nisedra krizy tahaka izao ny fiangonana, "vaky miharihary" mantsy ny tsy fitovian-kevitra eo amin'ny mpitarika sy ny mpiara-miasa aminy sy ireo olona nofidian'ny mpino isan-karazany.

mampalahelo mihintsy ny zavatra mitranga: Samy manana ny heviny ny olona, ary toa mitarika fizaraham-bazana mihintsy aza izany.

hiezaka manao analyse ny fototry ny olana aho:

2013... 2013 !

• Tena nampiova ny fiaraha-monina ato anatiny mihintsy ny fivoahan'ny faminaniana mikasika ny 2013 , Niteraka fanantenana lehibe ao ampo iny kanefa kosa etsy andaniny dia lasa niteraka fifaninanana anatiny (guerre de pouvoir) iny faminaniana iny, lasa nihen-danja ny fifankatiavana fa samy mitsinjo ny 2013 avokoa ny mpinamana rehetra. Hany ka dia ny maka 19 amin'ny mpitarika na ireo tarihina no atao fa tsy naka 19 tamin'ny Tompo. Kanefa ny 2013 anie zavatra tonga ho azy e! miankina amin'ny finoana io.

Asan-devoly !

• nafotaka ny fanaovana "delivrance" ary tena nahazo fandresena lehibe hatrany i Kristy, saingy .., saingy tsy nampoizin'ny fiangonana ny valim-panafihana!

• Lasa nampiasa ny "systeme de torture" tahaka ny fanaon'ny mpanao ankety ny mpanala devoly sasany ka "maka renseignements" amin'ireo devoly babo .... (lasa fandrika anefa izay),

• Ireo zavatra lazain'ny devoly dia indraindray toa tena gravy be tokoa, indraindray marina, indraindray tsy marina ..., fa ny tena loza dia ity:

• Nampiadian'ny devoly ny mpiangona ! Lazainy fa i ranona sy ranona "maty zoma", i ranona sy ranona efa namanay, ary voatonona daholo na olon-tsotra, na mpiandry, na mpiasa, na pasitera, hatramin'ny "mpitarika faratapony" aza, lazainy fa azy daholo, Tena tahaka ny ataon'ny Dadarabe amin'ny "fianakaviana" manantona azy, lazainy fa i ranona no mamosavy sns.
  

• tsy mifampatoky intsony ny fiangonana, Ny mpitarika tsy matoky ny manodidina azy, ny tarihina mihatofoka tsikelikely, na ny toriteny aza lasa manahirana ny mihaino sy manao azy, lasa mitandritandrina izany daholo ny olona. loza !

Ao antin'izany rehetra izany dia "mitanondrika ny fanahiko", tena mahavaky fo ny mahita izao fandehan-javatra izao,

Kanefa Jehovah azo hitarainana tsara, satria tsy manadino izy na minia tsy maheno, fa na ny tany aza no mitaraina dia mihaino Izy,
Any amin'i Jehovah no hitaraina ! Aleo mba HANDALO IZY, miaraka amin'ny afo mandevona sy rivotra..... "Aza ela Jehovah ô!" Vangio ny fiangonanao...

Olona afaka ny kristiana, ary mbola afaka mangataka izay tiany amin'ny tompo isika, izaho koa mahatsiaro fa olona afaka, fa tsy misy olona "ambakaina sy gejaina" ato amin'ny fikambanana, ary isaorako ny Tompo fa tsy isan'ireo mpangeja ny mpino ny rafitra F.A.M. izany fahatsapana fahafahana izany no tokony ahatonga antsika rehetra mba hivavaka hoan'ireo voagejan'ny Devoly sy voasaringotra ao anatin'izao "Krizy aram-panahy" izao. Fa tsy olona no fahavalo, na ny mpitarika, na ny tarihina , fa Devoly io manakorontana io ! Sokafy ny maso , sokafy ny maso !

FO MALAHELO

Na eo anivon'ny fiangonan'Andriamanitra aza...,
"Ary izao koa no efa hitako aty ambanin'ny masoandro; ao amin'ny ny fitoeran'ny fitsarana dia nisy faharatsiana tao; ary ny fitoeran'ny fahamarinana nisy faharatsiana koa tao. "
Mpitor 3:16

Manamarina ny Soratra Masina rahateo moa izany, Ka inona moa no mahagaga sy mampalahelo anao eo ry foko? Mifikira mafy amin'Andriamanitra fa Azy ianao , fa tsy an'olona.